DUPLEX presenta
Xa se poden adquirir as entradas para os pases únicos do que é o gran filme collage dos últimos anos e máis do thriller galego protagonizado por Nerea Barros. Son os días 30 de setembro e 2 de outubro respectivamente, ás 19:45 e ás 19:30.
Espectáculos
Retomamos a tempada de ópera mañá con O barbeiro de Sevilla. Ademais, incluímos este ano ballet. Trátase das mellores interpretacións filmadas nas máis prestixiosas institucións, como a Arena di Verona, o Liceu barcelonés, a Royal Opera House, o Royal Ballet ou o festival de Salzburgo. Xa tes dispoñíbeis todos os títulos, datas e as entradas á venda na nosa web para todo este ano 2020.
Off DUPLEX
A nova tempada 2020-2021 vén de comezar en DUPLEX Cinema con máis sesións a diario e a recuperación de seccións que ficaron interrumpidas durante o verán. É o caso de Off DUPLEX, dedicada a aquelas propostas máis anovadoras, para as que vos propomos pases únicos dous mércores de cada mes. Anotade as datas no voso calendario. Aquí a programación de setembro.
A reapertura de DUPLEX Cinema logo de tres meses de peche temporal o pasado venres 19 trouxo consigo unha importante novidade: o emprego de enerxía 100% renovábel, ao asociármonos á comercializadora local Nosa Enerxía, S. Coop. Galega.
A reapertura de DUPLEX Cinema logo de tres meses pechados por mor da crise sanitaria terá lugar o vindeiro venres 19 de xuño. Convidámosvos a encher de novo as salas para gozar do cinema como máis nos gusta facer, na gran pantalla. Nestas primeiras semanas contaremos coas últimas estreas e tamén con algún clásico para recuperarmos esa ilusión de volver ao cinema. Máis abaixo, detallámosvos os novos protocolos de hixiene e seguridade que estamos rematando de poñer a punto para converter de novo DUPLEX Cinema no espazo acolledor e seguro que queremos. Lembrámosvos que sempre que poidades mercar as entradas e os abonos a través de www.duplexcinema.com estades a axudarnos a conseguilo e a facer máis áxil o acceso ás sesións.
Lanzamos DUPLEX na casa, unha ferramenta a través da que poderás acceder a varias estreas e a unha escolma de títulos recuperados desde o teu fogar.
DUPLEX presenta
Coa vontade de apoiar o talento local, convidamos a DUPLEX Cinema catro cineastas de Ferrol que veñen desenvolvendo unha interesante carreira nos últimos anos. Son Rubén Coca, Carlos A. Quirós, Cristina Esteiro e Sandra Sánchez. Parte da súa obra poderá verse o venres 28 de febreiro ás 20:30 horas, nun pase no que estarán presentes e compartirán co público as súas fitas. Esta sesión especial de curtas ten un prezo xeral de 2,50 euros, mentres que as persoas abonadas entran por 2 euros.
Off DUPLEX
Tras 40 anos de ditadura, a reconstrución do histórico sindicato CNT superou todas as expectativas. Luis E. Herrero captura ese momento de efervescencia en El entusiasmo, fita que estreamos en Galicia mañá ás 20 horas con pase único no eido da nosa sección Off DUPLEX.