DUPLEX presenta
DUPLEX Cinema acolle a presentación de Arima este domingo 9 de febreiro ás 18:15. Visitaranos Jaione Camborda, a súa directora, quen levou o premio ao mellor filme na sección Novas Olas do festival de Sevilla por este thriller de densa atmosfera, onde as mulleres cobran todo o protagonismo.
A única sala que fica en funcionamento en Ferrol duplicou amplamente a asistencia no último tramo de 2019 se o comparamos coa mesma época no exercicio previo. En menos de 3 meses superáronse os 7.500 espectadores.
Espectáculos
DUPLEX Cinema inicia a súa temporada de ópera cunha gala proxectada o 2 de xaneiro, coas extraordinarias voces de Anja Harteros, Ekaterina Gubanova, Jonas Kaufmann e Bryn Terfel baixo a batuta de Marco Armiliato; na que se fai repaso a algunhas das mellores óperas na historia deste xénero.
DUPLEX presenta
O final do ano concentra en DUPLEX Cinema varias presentacións de cineastas de Galicia que se achegan á nosa sala para compartir os seus filmes co público. O 20 de decembro proxéctase A felicidade dos cans, primeira longa de ficción de David Hernández. O venres 27 é a quenda de Xudit Casas, quen nos convida a reflexionar sobre o poliamor e as relacións non monógamas en Amar en libertad. Pecha estes encontros un día despois, o sábado 28, o ferrolán Alberto Gracia co seu último filme, Estrella errante.
DUPLEX presenta
O filme dirixido por Jorge Coira e polo dramaturgo Xesús Ron, autor da obra orixinal, estará presentado o sábado 14 ás 19:55 polo mesmo e máis pola actriz Patricia de Lorenzo. Popular comedia sobre as táboas, salta agora ao cinema coa mensaxe reivindicativa propia de Chévere, propondo unha metáfora da transformación social de España nos últimos 35 anos, onde moitos lugares de socialización tornaron noutros de consumo.
DUPLEX presenta
O filme Longa noite, terceiro na carreira de Enciso, estréase en salas españolas este xoves día 5 logo do seu paso polo festival de Locarno, no que foi galardoado pola crítica especializada. A sesión inaugural en DUPLEX Cinema contará coa presentación da asociación Fuco Buxán, mentres que o vindeiro martes, día 10, o realizador achégase ás nosas salas para compartir o filme co público.
DUPLEX presenta
O filme, crítica á sociedade de consumo, retrata as condicións de vida dun grupo de traballadores nun centro de reciclaxe de plásticos de Brooklyn.
DUPLEX presenta
A intérprete presenta e debate co público mañá os filmes Zume de sandía e 16 de decembro. Ademais, contamos coa proxección especial de Un año más, en colaboración con Teima - Down Ferrol.