As directoras Sabela Iglesias e Adriana P. Villanueva virán debater o seu filme co público en sesión de 20 horas. A fita conta como o LSD, multinacionais farmacéuticas, pragas medievais, medicina popular e a CIA están conectadas por un fungo alucinóxeno coñecido como “ouro negro”, sendo Galicia un dos grandes produtores a nivel mundial. Entradas xa á venda.

Ler máis

A cineasta introducirá o seu novo filme e debaterao co público nun pase especial ás 17:15 horas. As entradas xa están á venda. Se queres saber máis sobre a fita, recomendámosche escoitar a nosa nova entrega de DUPLEX presenta, o podcast mensual do cinema, que inclúe unha entrevista coa directora.

Ler máis

Logo do éxito de Desexando amar na nosa carteleira, estreado cun novo master en 4K polo seu 20 aniversario, chegan a DUPLEX Cinema seis títulos máis do reputado realizador hongkonés. Todos eles restaurados baixo a supervisión do seu director. Poderán verse en pases únicos os mércores ás 20:30 entre o 20 de xaneiro e o 24 de febreiro. As entradas xa están á venda.

Ler máis

DUPLEX presenta súmase ao formato podcast, cunha entrega cada mes que repasará as novidades do cinema. Inauguramos o espazo co cineasta Eloy Domínguez Serén, que comenta connosco o seu filme favorito, Desexando amar. A obra mestra de Wong Kar-Wai cumpre 20 anos e proxectamos unha versión restaurada, supervisada polo realizador e o seu director de fotografía Christopher Doyle. Tamén pasa polos nosos micros Ramiro Ledo, o noso director e programador, que fai balance deste primeiro ano de DUPLEX Cinema na súa nova etapa, desde que nos fixeramos coa xerencia da sala en outubro de 2019. Consulta aquí o primeiro programa.

Ler máis

Desde DUPLEX Cinema queremos participar na iniciativa ON THE WAY TO MY CINEMA, organizada por Connecting Cinemas, e para iso precisamos da túa axuda. Grava un vídeo dun minuto desde a túa casa até DUPLEX Cinema e envíanolo tanto a nós como á organización. Os que eles elixan serán compartidos na súa páxina web e a través de YouTube, para ensinar en toda Europa como é a nosa cidade e a nosa sala. Pola nosa banda, sortearemos un abono anual para vir ao cinema sempre con desconto entre todas as persoas que participedes nesta iniciativa. Segue a ler para coñecer os detalles.

Ler máis

Este domingo día 20 ás 17:45 contamos coa presentación de Ons, o último filme de Alfonso Zarauza, que conta no seu reparto cuns espectaculares Antonio Durán 'Morris' e Melania Cruz. Presentada no pasado festival de Sevilla, trátase da obra máis persoal e madura do realizador compostelán. O director estará acompañado en DUPLEX Cinema do ferrolán Alberte Branco 'Bertitxi', o seu director de fotografía, que realiza aquí un dos seus traballos máis depurados. Ambos os dous introducirán a fita e terán un debate co público. As entradas xa están á venda.

Ler máis

O director e programador de DUPLEX Cinema recibe este galardón por reabrir a última sala que quedaba en Ferrol, cunha aposta renovada polo cinema independente e en versión orixinal, que desde Europa Cinemas valoran especialmente. Os responsábeis da institución comunitaria recoñecen a traxectoria previa de Ramiro e recordan que en 2015 foi o primeiro en Galicia en programar este tipo de contidos desde o seu anterior posto de director e programador do cinema NUMAX (Compostela).

Ler máis

Temos o pracer de comunicarvos que a directora Nuria Giménez Lorang estará connosco o vindeiro sábado 19 de decembro ás 18:00 para presentar o seu filme My Mexican Bretzel. As entradas xa están á venda na nosa web.

Ler máis