A tempada de ópera comeza mañá con O barbeiro de Sevilla ás 19:45. As entradas poden xa mercarse aquí. Na produción de Hugo de Ana o anfiteatro romano da Arena di Verona convértese nun enorme xardin do amor, un labirinto de sebes e rosas xigantes, como un lugar para as intrigas do melodrama máis famoso e querido de Gioachino Rossini, enriquecido pola divertida coreografía de Leda Lojodice e caracterizado polas rosas suxestivas e xigantescas que enmarcan a historia de Rosina, do Conte d'Almaviva e do factotum Figaro. No podio, o famoso director de orquestra Daniel Oren, quen por primeira vez dirixe a obra mestra de Rossini na Area. Co engadido de ver por primeira vez xuntos, Nucci e Furlanetto: dúas lendas da ópera no escenario da Area. O barbeiro de Sevilla é sen dúbida o título de Rossini máis coñecido e querido do mundo, pero tamén no anfiteatro de Verona a partir das tres primeiras actuacións de 1948: hai exactamente 70 anos.

A programación continúa este mes con Jonas Kaufmann, My Vienna (17 de setembro) e con Fidelio (24 de setembro). A primeira está filmada en vivo na máxica contorna da Wiener Konzerthaus. O concerto presenta música popular vienesa de Die Fledermaus e Wienerblut de Johann Strauss e A Viúva Alegre de Franz Lehár, así como moitos outros clásicos inspirados na cidade de Viena. Jonas Kaufmann interpreta este fabuloso recital, ao que se une a aclamada soprano Rachel Willis-Sørensen, acompañados da Orquestra Filarmónica de Praga baixo a batuta do Mestre Jochen Rieder. Na segunda Leonore libera do seu encarceramento ao seu esposo Fidelio.É unha ópera atemporalmente relevante con poderosas situacións cheas de emoción. O director Claus Guth, recoñecido polas súas profundas interpretacións operísticas, substitúe o diálogo falado por ameazadores sons, duplicando o papel de Leonore cunha cantante xorda. O resultado é unha espléndida, emotiva e nova representación desta obra mestra.

De aquí a decembro pasaranse títulos como Rigoletto, Giselle, Manon Lescaut, Macbeth e O crebanoces. Todos estes, coas súas datas de proxección, poden consultarse xa na nosa web.