DUPLEX Cinema celebra o seu 30 aniversario
O vindeiro luns 19 de xaneiro, cines Duplex, actualmente DUPLEX Cinema, celebrará os 30 anos desde a súa apertura.
DUPLEX Cinema celebra a Noite do Cinema Europeo
- Somos un dos cinemas seleccionados por Europa Cinemas para celebrar a Noite do Cinema Europeo, proxectando 'O proceso' de Orson Welles.
- O pase será gratuíto e contará coa presenza de Alberto Sucasas, profesor de Filosofía da UDC.
O cinema DUPLEX de Ferrol representará a España no Mes do Cinema Europeo
- A Academia do Cinema Europeo e Europa Cinemas impulsarán así a exhibición de fitas continentais en 35 países do 13 de novembro ao 10 de decembro.
- Cada país conta cunha única sala como embaixadora, que propón un programa especial con diversas películas da UE. Podedes ver todas as salas que fan parte da iniciativa aquí, na web da Academia.
Celebramos o terceiro aniversario de DUPLEX Cinema: día do público e novo proxector
Cumprimos tres anos anunciando unha renovación tecnolóxica das nosas salas e aplicando unha única tarifa os mércores: 4 euros.
DUPLEX presenta
DUPLEX estrea con 'Alcarràs' un pioneiro sistema de streaming en cinemas
O filme de Carla Simón, gañador do Oso de Ouro na Berlinale, será proxectado este sábado ás 21 horas con presentación e posterior coloquio da directora. O debate farao dende os Cinemes Truffaut de Girona e será retransmitido en directo. DUPLEX participa nesta iniciativa xunto con outras cinco salas do estado, nun proxecto que resultou gañador da convocatoria Collaborate to Innovate da Comisión Europea e de Europa Cinemas.
DUPLEX con...
DUPLEX ábrese aos colectivos de Ferrol
Poñemos en marcha a iniciativa DUPLEX con... para abrir as portas do cinema a unha serie de empresas e asociacións do sector cultural que dan boa mostra da diversidade da que goza unha cidade como Ferrol. A idea é convidalas a programar periodicamente filmes da súa escolla. Todas as sesións serán presentadas por responsables destes colectivos e promoveranse debates en torno ás fitas proxectadas, ademais doutras actividades paralelas.
Off DUPLEX
FOCOS: ven cinco veces e a sexta é de balde
A tarxeta FOCOS serve para as seccións paralelas do DUPLEX. Por cada cinco veces que vés, a sexta corre á nosa conta. Adquírese no despacho de billetes ao asistir a unha destas sesións. En decembro contamos con catro pases que se benefician desta oferta: Espíritu sagrado (día 8), Anxo de vinganza (día 16), Matrix (día 21) e La Gomera (día 22).
Ciclos
Kenji Mizoguchi cada martes até finais de ano
O ciclo 'Kenji Mizoguchi: sororidade e resiliencia' comeza hoxe 9 de novembro e continuará ata o 28 de decembro. Reúne oito títulos do realizador xaponés, entre os que figuran algunhas das súas obras mestras, como Contos da lúa pálida ou O intendente Sansho. As sesións son cada martes ás 20 horas, de balde grazas á colaboración da Concellaría de Cultura do Concello de Ferrol. Poden retirarse até dous convites por persoa desde os venres anteriores a cada pase.