O legado político de Jordi Pujol quedou en dúbida tras a confesión sobre o seu delito fiscal. Unha longa traxectoria como activista, como Presidente da Generalitat e como patriarca dunha familia que concentrou poder e influencia durante décadas.
Iris (Isabelle Huppert), unha viaxeira misteriosa, vagabundea polas aforas de Seúl. Alí convence unha serie de persoas para lles ensinar francés cun método tan pouco ortodoxo como sedutor, a pesar da súa falta de experiencia. Entre paseos polo parque e botellas de viño de arroz makgeolli, Iris parece de súpeto unha máis da familia.
Sergio viaxa a Utrech coa súa familia para asistir a un partido de fútbol. Antes de coller o voo de regreso a Barcelona sofre un ataque de pánico e decide ficar en Holanda. Incapaz de dar unha explicación lóxica aos seus, corta o contacto co seu pasado.
Ángela, unha muller xorda, vai ter un bebé con Héctor, a súa parella ouvinte. O embarazo fai aflorar os seus medos fronte a maternidade e sobre como poderá comunicarse coa súa filla.
Thibaut é un célebre director de orquestra que viaxa polo mundo. Ao saber que é adoptado, descobre a existencia dun irmán, Jimmy, empregado dun comedor que toca o trombón nunha banda municipal. Sepáraos todo agás o amor pola música.