Anora, unha moza prostituta de Brooklyn, ten a oportunidade de vivir unha historia de Cincenta cando coñece e impulsivamente casa co fillo dun oligarca ruso. Cando a nova chega a Rusia, o seu conto de fadas vese ameazado, xa que os pais parten cara Nova York para intentar conseguir a anulación do matrimonio.
Enric Marco foi un deportado que nunca existiu, un home que durante anos foi capaz de manter, ante a opinión pública e a súa propia familia, unha mentira difícil de imaxinar: que fora prisioneiro nun campo de concentración nazi.
Austria do século XVIII. No alto dun outeiro, unha muller foi executada e exposta á vista de todos tras matar a un bebé. Como proba. Como advertencia. Como un presaxio?
Tras ser diagnosticada cunha doenza terminal, Claudia decide emprender a súa última viaxe a Suíza. Alí poderá decidir como e cando terminar a súa vida grazas á axuda dunha asociación de suicidio asistido.
A historia de mil caras de Sagrario, mariscadora na ría de Ferrol, atravesada pola ditadura e a transición, enfróntanos a unha nai díscola, unha esfera familiar en perpetuo desasosego e un xuízo por adultera aos 33 anos.
Stefan, un traballador da construción romanés que vive en Bruxelas, está a piques de viaxar de volta para a súa casa. Cando está xa para marchar, coñece unha moza belgo-chinesa que traballa nun pequeno restaurante ao tempo que realiza o seu doutoramento sobre musgos.
Tres días de desesperación nun barrio pobre de Manhattan alcumado “The Bowery”, onde estibadores, prostitutas e sen teito con problemas de alcolismo conviven nun difícil equilibrio.