Tras a inesperada morte do Sumo Pontífice, o cardeal Lawrence (Ralph Fiennes) é designado como responsable de dirixir o conclave. Cando os líderes máis poderosos da Igrexa Católica se reúnen nos salóns do Vaticano, Lawrence vese atrapado dentro dunha complexa conspiración á vez que descobre un secreto que podería sacudir os cimentos da Igrexa
Conto gótico ao redor da obsesión entre unha atormentada nova e o aterrador vampiro namorado dela que deixa un espantoso rastro ao seu paso.
Unha carta de amor a ese Nápoles que ri, enfeitiza e namora, que nos fai viaxar pola vida de Parthenope (Celeste Dalla Porta) desde o seu nacemento nos anos 50 até hoxe. Un conto que desborda paixón e liberdade e nos mergulla nos grandes amores e decisións que todo o mudan para sempre.
México, hoxe. A avogada Rita recibe unha oferta inesperada. Ten que axudar un temido líder dun cártel a retirarse dos seus negocios e desaparecer para sempre converténdose na muller que sempre soñou ser.
Como colofón do ano, esta estrela do piano interpreta cos Berliner Philharmoniker e Kirill Petrenko o monumental Concerto para piano núm. 2 de Johannes Brahms. A continuación soarán obras danzables de Richard Strauss esplendorosamente instrumentadas: os encantadores valses do cabaleiro da rosa e a Danza de Salomé, que irradia unha ofensiva sensualidade.
En Mumbai, a rutina da enfermeira Prabha vese alterada cando recibe un agasallo inesperado do seu marido, do que está distanciada. A súa moza compañeira de cuarto, Anu, tenta en van atopar un lugar na cidade para ter intimidade co seu mozo.