Bárbara e Pol van uns días de vacacións. Rodeados de natureza e amigos, buscan pasalo ben e á vez atopar un espazo tranquilo para gozar da súa intimidade. Co apoio de Pol, no medio da natureza, entre bágoas e risos, Bárbara aprende a soltarse, sandar vellas feridas e redefinir a súa sexualidade.

Proxección especial co gallo do 25N - Día internacional da eliminación da violencia contra a muller. En colaboración con CIMA (Asociación de mujeres cineastas y de medios audiovisuales) e FECIGA (Federación de Cineclubs de Galicia).

Presentación e coloquio coa actriz Cris Iglesias.