Julien Vergel (Jean-Louis Trintignant) é acusado do asasinato da súa muller. A súa secretaria, Barbara Becker (Fanny Ardant), porá en dúbida a súa culpabilidade e comezará a investigar por conta propia. Último filme de François Truffaut baseado na novela orixinal de Charles Williams, onde a confianza entre o cineasta, a súa esposa (Ardant) e o director de fotografía Néstor Almendros fíxose moi patente para todos os amantes da sétima arte. Unha sentida homenaxe ao cinema negro americano e ao suspense de Alfred Hitchcock combinando elementos propios da comedia, o thriller e o suspense sen esquecer o selo romántico que caracterizou o mestre francés durante toda a súa carreira.

Entrada de balde. Poden recollerse desde o venres inmediatamente anterior á proxección, presencialmente en DUPLEX Cinema, cun máximo de 2 convites por persoa.

*Co apoio da Concellaría de Cultura do Concello de Ferrol