En setembro do ano 2021. a terra tremeu na illa de La Palma e o lume abriuse paso. Despois de cincuenta anos, un novo volcán emerxía e as novas xeracións vivíamos en primeira persoa o que só coñeciamos de boca dos maiores.

Afastados do sensacionalismo do relato mediatico, no chat común dun grupo de amigos da illa, as notas de audio que intercambian cada día tecen unha inesperada crónica de aqueles intres de incerteza e asombro.

Durante case tres meses, o río de lava atravesou as montañas até chegar á costa e borrou do mapa todo o que atopou ao seu paso, deixando tras si un manto de cinzas.

Un volcán habitado é un relato colectivo sobre a amizade e a afouteza dos moradores dunha terra, que cada certo tempo convive co poder hipnótico e devastador da natureza.