Logo de cinco anos de matrimonio e cun fillo, Antoine Doinel e Christine divórcianse. El traballa como corrector nunha imprenta e está namorado de Sabine, vendedora nunha tenda de discos. Un día atopa alí a Colette Tazzi, a rapaza das Mocidades Musicais que coñeceu en Antoine e Colette e que foi o seu primeiro amor. Antoine encontra tamén outros moitos coñecidos, como Monsieur Lucien, examante da súa nai, e todas as mulleres que pasaron pola súa vida. Expoñendo por última vez na saga temas como a infidelidade, a feminidade ou a constante procura do amor, Truffaut reitera de novo a súa fascinación pola muller, o tema do amor, así como congratularse pola implantación en Francia do divorcio por mutuo acordo. Quinta e última entrega da saga de filmes en torno á figura de Doinel.

Entrada de balde. Poden recollerse desde o venres inmediatamente anterior á proxección, presencialmente en DUPLEX Cinema, cun máximo de 2 convites por persoa.

*Co apoio da Concellaría de Cultura do Concello de Ferrol