O 11 de maio de 1896, no circo Price, propiedade do cidadán inglés William Parish, o húngaro Edwin Rousby, utilizando un animatógrafo, proxecta as primeiras imaxes en movemento que puideron verse en España. A partires deste feito, o noso narrador, Antonio Resines, vai entrando polo miúdo en anécdotas até lograr compoñer unha asombrosa historia, a do cinema español. Esta narración mestúrase con testemuños de directores, actores e produtores que van ilustradas con imaxes dos filmes aos que se fai referencia.