A moza campesiña Giselle namorou de Albrecht. Porén, cando descobre que el é en realidade un nobre comprometido con outra muller, quítase a vida presa da desesperación. O seu espírito únese ás Wilis: pantasmas vengativas de mulleres que arrastran aos homes a unha danza mortal. Consumido pola culpa, Albrecht visita a tumba de Giselle, onde deberá enfrontarse ás Wilis… e ao espírito da rapaza.

A produción de Giselle que Peter Wright creou en 1985 é un clásico do repertorio do Royal Ballet. Coa evocadora música de Adolphe Adam e os deseños atmosféricos de John Macfarlane, este ballet romántico por excelencia mergúllanos en mundos terreais e sobrenaturais a través dunha historia de amor, traizón e redención.