Antoine é expulsado do exército por insubordinación e visita a súa antiga moza, Christine Darbon (Claude Jade). O pai de Christine atopa un traballo temporal para Antoine. Porén, por culpa dun detective privado, perde o emprego o primeiro día. Como compensación, o detective ofrécelle un traballo na súa axencia.

Nostálxica comedia romántica coa inconfundíbel e desbordante selo do director francés. Cun ton lixeiro, desenfadado e aparentemente descoidado, Truffaut utiliza o ton lubistchiano da comedia para retratar a mocidade a través das cousas sinxelas. O paso da adolescencia á madurez de Antoine. Segunda longametraxe da saga tras a mediometraxe Antoine et Colette, nominado ao Oscar ao mellor filme de fala non inglesa.

Entrada de balde. Poden recollerse desde o venres inmediatamente anterior á proxección, presencialmente en DUPLEX Cinema, cun máximo de 2 convites por persoa.

*Co apoio da Concellaría de Cultura do Concello de Ferrol