Sasha, de 7 anos, sempre soubo que é unha nena, aínda que nacese atrapada nun corpo de neno. A medida que a sociedade fracasa ao non tratala como as demais nenas da súa idade, sexa na súa vida diaria na escola, nas clases de ballet ou en festas de aniversario, a súa comprensiva e empática familia lidera unha batalla constante fronte á violenta rixidez dos prexuízos sociais, para facer que a súa diferenza sexa entendida e aceptada por todo o mundo.