Anos 80. Reyhan, Nurhan e Havva son tres irmás que viven co seu pai nunha remota aldea de Anatolia Central. Unha tras outra, son enviadas á cidade traballar como criadas en familias adoptivas acomodadas, coa esperanza de conseguirlles unha vida mellor, mais un tempo despois as tres vense obrigadas a regresar por circunstancias imprevistas. Por primeira vez en varios anos, as tres irmás volven estar xuntas na súa aldea natal, onde se enfrontarán a novos contextos, relacións e enfrontamentos inesperados. E onde só poderán combater a falta de liberdade do seu entorno grazas a unha unión non sempre fácil mais profundamente conmovedora e humana.

Proxectado nas Seccións Oficiais da Berlinale e da Seminci, Un conto de tres irmás é a terceira longametraxe do cineasta turco Emin Alper. Gañador do Premio á Mellor Dirección no Festival de Cinema de Saraxevo, o filme móstranos unha profunda historia de sororidade que reafirma as dotes do director como narrador visual de potente e metafórico imaxinario.