Stop Making Sense é unha cita musical e cinematográfica que reúne os Talking Heads, unha das mellores bandas da historia, e o reputado director Jonathan Demme, gañador do Oscar a Mellor Director.

Trátase dunha reestrea en cinemas do que é considerado o mellor "concert film" da historia e que a prestixiosa produtora A24 resucitou para reivindicar a incónica banda. Estreada en 1984, o director filmou con sete cámaras e durante catro noites os concertos da banda composta por David Byrne, Tina Weymouth, Chris Frantz e Jerry Harrison no Teatro Pantages de Hollywood Boulevard no Nadal de 1983.

Pase sábado 9 ás 20:25 presentado por Pepe Cunha, encargado do portal e podcast ferrolán Abrete de Orellas, gañador do  Premio Martín Códax da Música ao mellor Espazo de Comunicación Musical en 2016 e 2018.