Unha reflexión en torno á vida humana con toda a súa  beleza e crueldade, o seu  esplendor e banalidade. Paseamos, coma nun soño, da man dunha narradora a modo de Sherezade. Momentos intranscendentes cobran o mesmo significado que un momento histórico: unha parella flota por encima de Colonia, esgazada pola guerra; camiño dunha festa de aniversario, un pai agáchase para atar o zapato do seu fillo baixo unha chuvia torrencial; unhas adolescentes bailan diante dun café; un exército derrotado marcha cara un campo de prisioneiros. Á vez oda e lamento, Sobre o infinito ofrece un calidoscopio de todo o eternamente humano, unha historia infinita da vulnerabilidade da existencia.