SEIS DÍAS CORRENTES relata unha semana na vida de Valero, Moha e Pep, traballadores dunha pequena empresa de fontanería e electricidade das aforas de Barcelona.
O filme está formado por 6 capítulos que narran as situacións que xorden cando os protagonistas se enfrontan a unha reparación. Cada capítulo corresponde a un día da súa semana laboral e constrúese ao redor da relación que se establece entre os protagonistas e o cliente que solicitou os seus servizos. Baixo unha capa de humor, lixeireza e do cotián, as historias ofrecen elementos de reflexión de maior profundidade.