Cando a adolescente Priscilla Beaulieu coñece a Elvis Presley nunha festa, el xa é unha meteórica superestrela do rock'n'roll. Na esfera privada convértese nalguén totalmente inesperado: un aliado na soidade, un vulnerable mellor amigo, un apaixonante frechazo.

Película baseada nas memorias «Elvis and Me» escritas por Priscilla Beaulieu Presley, publicadas en 1985 e que relatan o longo noivado e turbulento matrimonio de Elvis e Priscilla, desde unha base militar alemá ata a finca dos seus soños en Graceland.