No París de 1981 respírase un aire de cambio e esperanza. Elisabeth acaba de separarse e deberá facer fronte á súa nova situación: manter aos seus dous fillos adolescentes e coidar de si mesma. Consegue traballo no programa de radio nocturno Os pasaxeiros da noite e alí coñecerá a Talulah, unha adolescente problemática e moi peculiar, á que decide acoller na súa casa. A influencia e o espírito libre da moza cambia a traxectoria das súas vidas para sempre.
Mikhäel Hers (A miña vida con Amanda, Venecia 2018) debuxa un retrato belamente detallado e matizado dunha familia parisiense. O papel (feito a medida) de Charlotte  Gainsbourg é o dunha nai que vai sendo reparada co tempo.