Samay, un neno de 9 anos que vive coa súa familia nunha vila remota da India, descobre o cinema por primeira vez e queda absolutamente  hipnotizado. Contra os desexos do seu pai, volve ao cinema día tras día e faise amigo do proxectista que, a cambio da súa comida, déixalle ver filmes gratis.

Rapidamente decátase de que as historias se converten en luz, a luz en filmes e os filmes en soños.

Contaxiados pola emoción, Samay e a súa inqueda cuadrilla, investigan sen descanso para tentar captar a luz e proxectala para lograr ver películas de 35 mm. Xuntos, utilizan un truco innovador e logran con éxito fabricar un aparello de proxección. Porén, perseguir os teus soños a miúdo significa deixar atrás as cousas que amas.