Con algo de desgana, o vagabundo Charlot adopta un neno de 6 anos abandonado. Non tarda en collerlle cariño e ensinarlle algunhas técnicas esenciais de supervivencia na rúa. Co tempo os dous forman un grande equipo. Pero un día o neno enferma e os servizos sociais tratan de arrebatar a custodia a Charlot.

Primeira longametraxe de Chaplin e primeira das súas achegas ao inventario de grandes obras da historia do cinema. Unha das máis puras expresións da súa arte por varias razóns: polo uso do seu inmortal personaxe Charlot, polos seus brillantes gags visuais e pola súa preocupación -á vez comprometida e cómica- polas inxustizas sociais.

Restaurada en 4K. Filme mudo con rótulos en español, para todos os públicos.

Entrada gratuíta a adquirir no despacho de billetes antes da proxección.

Co apoio da Concellaría de Cultura do Concello de Ferrol