Seis meses logo do suicidio do afamado xastre Narciso Benavides, unha misteriosa e atractiva muller casada visita a Germán Areta, prestixioso expolicía da Brigada Criminal e agora detective privado, para que inicie unha investigación exhaustiva sobre o "Caso Benavides". A muller está convencida de que o xastre, que ademais era o seu amante, foi asasinado. Aínda que o instinto lle di a Areta que a xente só mata por amor ou por diñeiro, irá descubrindo que hai máis motivos, e máis dun sospeitoso, para quitar de en medio ao xastre.