Xaneiro de 1942, 400.000 xudeus de toda Polonia levan máis dun ano confinados polos nazis nun estreito gueto na metade da cidade. Fóra do muro, a vida segue adiante. Dentro, os seus habitantes loitan por sobrevivir. Porén, o alto muro de ladrillos non consegue parar a creación dun grupo de actores xudeus que, nunha xeada noite invernal, interpreta unha comedia musical no teatro Fémina. Os espectadores rin e se emocionan ante unha historia de amor, esquecendo por un momento a súa difícil situación. Entre bambolinas, os actores enfróntanse a un dilema de vida ou morte ante a posibilidade de levar a cabo unha fuga logo da función.

O novo filme de Rodrigo Cortés (Buried, Luces rojas). Escrito polo propio director xunto ao recoñecido novelista alemán David Safier, conta a historia real da representación da obra “O amor busca apartamento” no inverno de 1942 no teatro Fémina de Varsovia. A obra que mostra a fita é fiel ao texto orixinal da comedia musical, de cuxas cancións só sobreviviu a letra, e cuxa música foi composta ad hoc respectando a tradición do teatro musical do momento e coas cancións interpretadas polo elenco rodadas en directo. Un emotivo drama histórico sobre o amor e a supervivencia.