Dúas historias de amor paralelas nas que as parellas vense frustradas por obstáculos ocultos e inevitables, a forza da superstición e a mecánica do poder.

A soa existencia deste filme é case un milagre. Rodada na clandestinidade por Jafar Panahi, pouco antes de ser detido e sentenciado a unha pena de cárcere de 6 anos, No Bears é unha obra maior dentro da filmografía do mestre iraniano. Un monumento ao compromiso do artista coa súa arte, a sociedade e a liberdade de expresión.