Nun pequeno pobo de Turquía, cinco irmás de entre 12 e 16 anos pasan o verán nun xardín paradisíaco de risas e xogos inocentes sobre as ondas do Mar Negro cos rapaces da escola. Porén, a condición da muller no país non tardará en provocar rumores de inmoralidade e escándalo das mozas, así que os seus familiares, a través da avoa e o tío, deciden facerse cargo do asunto; isto é, preparalas e precipitalas cara ao seu destino de futuras esposas.