Teresa, Alicia, Araceli e Xulia son catro anciás nonaxenarias, aparentemente comúns, que esconden catro vidas extraordinarias marcadas polo desarraigamento e o exilio: de España a Rusia e despois a Cuba. Mulleres feitas a si mesmas e heroínas da súa propia traxectoria, as súas lembranzas da fame, o frío e a guerra mestúranse coa nostalxia por un fogar que as acolleu e xa non existe, a lonxanía dun territorio que apenas coñecen e, para algunhas, a volta a un país que non é o que soñaron. 

Película proxectada en colaboración coa asociación Fuco Buxán.

Haberá presentación e coloquio a cargo de Natasha e Alejandro Serrano, filla e neto respectivamente de Alicia Casanova, unha das protagonistas do documental.