Maria Chapdelaine é unha moza de 16 anos que vive coa súa familia á beira do río Péribonka, no Quebec rural de principios de 1900. Como verdadeiros pioneiros, os Chapdelaine traballan día e noite. Nun fogar no que nin sequera o esgotamento físico pode diminuír a calor da vida familiar, María, forte e chea de esperanza, atópase ante un profundo dilema romántico que marcará o seu futuro como muller.

Premier española na Sección Oficial do BCN Film Fest 2022. Impecable drama de época baseado na novela homónima de Louis Hémon. Protagonizada pola debutante Sara Montpetit xunto a Sébastien Ricard (As invasións bárbaras) e Hélène Florent (Café de Flore).