Augusto, un coñecido xornalista cultural chileno, e Paulina, actriz e ex ministra de cultura, están xuntos e namorados desde hai máis de 25 anos. Cando a memoria de Augusto empeza a debilitarse, aprenderán a reinventar a forma de relacionarse entre eles, facendo evidente que o amor que se teñen e o seu sentido do humor son inquebrantables. 

A directora de El agente topo, Maite Alberdi, regresa con este belísimo relato sobre o amor e o recordo.