O director Aurel debuxa contra o fascismo nesta xoia da animación que promete contribuír á memoria histórica da maneira máis sensíbel e próxima posíbel.

Retrata a historia do debuxante catalán Josep Bartolí no seu exilio pola ditadura franquista. A través deste `filme debuxado' como cita o director e ilustrador Aurel, coñecemos a loita de Bartolí tanto nos campos de concentración franceses como na súa viaxe a México, onde se convirte en amante da mesmísima Frida Kahlo.