Daniel sae do cárcere tras longos anos de encerro e regresa a Marsella. Sylvie, a súa exparella, avisouno de que é avó: Mathilda, a filla de ambos os dous, acaba de dar a luz a pequena Gloria. Daniel quere coñecer a súa neta e descobre unha familia reconstruída que loita con todas as súas forzas para manterse en pé. Cando o azar fai voar polos aires o fráxil equilibrio, Daniel, que non ten nada que perder, intentarao todo para axudalos.