Gaza, época actual. Issa (Salim Daw) é un pescador de 60 anos namorado en segredo de Siham (Hiam Abass), unha muller que traballa como modista no mercado local. Cando está decidido a confesarlle o seu amor, atopa unha antiga estatua grega do Deus Apolo nunha das súas redes de pesca e lévaa a casa ás agochadas sen sospeitar que, cando se descubra ese valioso tesouro, a súa vida complicarase tanto que porá en perigo todos os seus plans. Conseguirá finalmente declarar o seu amor a Siham?