Nun mundo postapocalíptico onde todo perdeu o seu valor, os poucos sobreviventes guíanse pola lei do máis forte. Sen aprecio pola vida, o único que esperta un brutal interese é a gasolina, sinónimo de poder e obxectivo de bandas armadas ata os dentes e sen escrúpulos.

Neste contexto, a moza Furiosa é arrebatada do Lugar Verde de Moitas Nais e cae en mans dunha gran Horda de Motociclistas liderada polo Señor da Guerra Dementus. Furiosa debe sobrevivir a moitas probas mentres reúne os medios para atopar o camiño a casa.

Anya Taylor-Joy e Chris Hemsworth protagonizan  a esperada volta ao icónico mundo distópico que creou hai máis de 30 anos coas películas seminales de Mad Max.  Miller volve pasar páxina cunha nova aventura de acción orixinal e independente que desvelará as orixes do poderoso personaxe de Mad Max: Fury Road, gañadora de varios Óscar e éxito mundial.