Este filme emprega de maneira brillante todos os recursos que a animación ofrece cun dobre propósito: o de protexer a Amin, refuxiado afgán que brinda o seu testemuño (que aínda pode carrexarlle perigos), e tamén poder plasmar en imaxes a historia emocional que atravesou. Acompañámoslle así na difícil recapitulación dos recordos enterrados da súa fuxida mediada por traficantes de humanos sen escrúpulos, escapando dun país no que a súa orientación sexual nin sequera é recoñecida.