Emily conta a vida imaxinada dunha das autoras máis famosas do mundo, Emily Brontë. A muller, que faleceu á temperá idade de 30 anos, foi unha rebelde  inadaptada ao seu tempo que atoparía a súa voz ao escribir o clásico literario Cumes borrascosos. O filme explora as relacións que o inspiraron, tanto coas súas irmás Charlotte e Anne como co seu malogrado primeiro amor, ademais da especial amizade e complicidade que lle unían ao seu inconformista irmán Branwell, a quen Emily idolatraba.