Esta é a historia de tres anciáns que elixiron retirarse do mundo e vivir nos bosques de Canadá. Ao tempo que un gran incendio ameaza a rexión, alguén chega até o seu agocho. Dá con eles unha rapaza fotógrafa na procura dun tal Boychuck. E non é a única. Ao pouco, unha muller de máis de 80 anos aparece como unha brisa lixeira que alborotará as súas vidas. Mentres intentan comprender a historia de Boychuck a través das súas pinturas, algo extraordinario xurdirá entre todos eles.

Baseada na novela E choveron paxaros, de Jocelyne Saucier.