Dúnia (Dounia) , Marya Zarif, André Kadi, Canadá, 2020, 28': Dunia é unha pícara de seis anos á que lle encanta xogar, aprender e descubrir novas historias. Vive cos seus avós en Alepo, até que un día se ven na obriga de deixar o seu país por mor da guerra. Todos xuntos comezarán unha grande aventura na procura dun novo fogar.
Un programa protagonizado por cativos e cativas loitadoras, imaxinativas e esperanzadoras que representan a unión de culturas e a necesidade de acoller e respectar o outro.

Cinema Rex, Mayan Engelman, Eliran Peled, Israel, 2020, 6':  Nunha cidade dividida, un neno e unha nena de bandos rivais atópanse no Cinema Rex. El só fala hebreo e ela só fala árabe, pero con todo conseguirán formar unha verdadeira amizade baseada nunha linguaxe máxica: a do cinema.

América, Nadav Arbel, Israel, 2020, 15' 22'': Unha nai e un fillo viven no Tel Aviv de 1950. A nai soña cun futuro lonxe de Israel, mentres que o fillo vive ocupado imaxinándose mundos de fantasía.

Bango Vassil, Milen Vitanov, Vera Trajanova, Bulgaria, Alemania, 2016, 8'43'': Dous nenos comparten un fin de ano totalmente diferente, facendo unha viaxe xeado onde deben cruzar augas e culturas para entenderse, respectarse e comezar de cero.

Filme dobrado ao español, recomendado para crianzas de 7 anos en diante.

Entrada gratuíta a adquirir no despacho de billetes antes da proxección.

Co apoio da Concellaría de Cultura do Concello de Ferrol