Arrakis, o planeta do deserto, feudo da familia Harkonnen dende hai xeracións, queda en mans da Casa dos Atreides logo de que o emperador ceda á casa a explotación das reservas de especia, unha das materias primas máis valiosas da galaxia e tamén unha droga capaz de amplificar a conciencia e estender a vida. O duque Leto (Oscar Isaac), a dama Jessica (Rebecca Ferguson) e o seu fillo Paul Atreides (Timothée Chalamet) chegan a Dune coa esperanza de recuperar o renome da súa casa, mais cedo se verán envoltos nunha trama de traizóns e enganos que os levará a cuestionar a súa confianza entre os seus máis próximos aliados e a valorar as tribos locais de Dune, os Fremen, unha estirpe de habitantes do deserto cunha estreita relación coa especia.