Compilación de varias curtametraxes realizadas pola pioneira da animación Lotte Reiniger, que utilizaba a técnica do stop- motion para dar vida ás súas fermosas e elaboradas siluetas.

O Dr. Dolittle e os seus animais (Doktor Dolittle und seine tiere)  Tres curtametraxes do 1927 ao 1930:

Dr. Dolittle, un veterinario cun don para falar cos animais, aventúrase a África para curar a un grupo de monos enfermos. 

A dote (The Tocher) 1939:

Os pais de Rhona, a namorada de Angus, quérena casar cun parente rico. Por sorte as fadas do bosque arranxan o asunto regalándolle ao pretendente un caderno de aforros.

Reiniger colabora co músico Benjamín Britten  adaptando este conto popular en gaélico ás  Soirées do compositor italiano Rossini. 

A bela durminte (Tornerose) 1922:

Cando nace a princesa, o rei e a raíña invitan ás fadas de todas as flores, pero esquécense do cardo. A fada do cardo enfurece e lánzalle unha maldición á pequena. Adaptación do conto de Charles Perrault.

Aucassin e Nicolette (1974) baseado nunha obra medieval anónima francesa.

O autor ou autora desafía as convencións da época nesta parodia na que a dama en apuros é a verdadeira heroína, mentres que o príncipe non consegue resolver nada.

A partir de 3 anos

Entrada gratuíta a adquirir no despacho de billetes antes da proxección.

Co apoio da Concellaría de Cultura do Concello de Ferrol