A nova longametraxe do director de Cantábrico trasládanos á gran descoñecida da Península Ibérica, a Dehesa. Un bosque único no mundo onde descubriremos sensacións moi diversas. Aciñeiras, sobreiras e carbas dan lugar a un campo de batalla onde se retan os grandes herbívoros, onde cazan os elegantes e sixilosos linces ibéricos e as formidábeis aguias, onde as flores agochan depredadores con camuflaxes sorprendentes. Mais tamén pode ser un lugar amábel que recibe cada ano miles de viaxeiros de longa distancia, que teñen nestas paraxes os seus cuarteis de inverno. Buscan un clima máis cálido e o alimento máis prezado, o ouro da Dehesa, as landras. A moeda de cambio que estas árbores utilizan cos animais para preservares a súa existencia.