O primeiro día de clases despois das vacacións, o Gran Imán derrúbase e morre fronte aos seus alumnos na Al Azhar, a universidade teolóxica máis importante de Exipto. Empeza así unha feroz batalla para gañar o  seu posto vacante. Adam, humilde fillo dun pescador que ingresou na universidade, vese envolvido no fragor dunha loita de poder implacable entre as elites relixiosas e políticas do país.

Inspirada n'O nome da rosa e as novelas de John le Carré, a nova película do director sueco de orixe exipcia Tarik Saleh é un thriller de suspense que se alzou co premio ao mellor guión no festival de Cannes 2022.