Eva, unha idealista funcionaria de prisións, enfróntase ao dilema da súa vida cando un mozo do seu pasado ingresa na prisión onde ela traballa. Sen revelar o seu secreto, Eva pide ser trasladada ao mesmo pavillón que o mozo, a zona máis dura e violenta do centro. Dá comezo un inquietante thriller psicolóxico, onde o sentido de xustiza de Eva pon en xogo tanto a súa moralidade como o seu futuro.

Despois da brillante ‘The Guilty’, o realizador Gustav Möller, asina este claustrofóbico e brutal exercicio de suspense, que adhire ao recorrente xénero carcelario as complexidades psicolóxicas e morais duns personaxes enfrontados aos seus peores demos. Un thriller absorbente que captura as deficiencias dun sistema ao bordo do colapso.