CHINAS é a historia de Lucía, Xiang e Claudia, tres mozas de orixe chinesa que viven en Madrid pero con realidades completamente opostas. Lucía é filla de inmigrantes chineses, ten 9 anos e o seu soño é celebrar os seus aniversarios no Burger King, aínda que os seus pais, que non falan español e traballan máis de 14 horas no bazar para darlles un futuro ás súas fillas, pensan que iso son cousas de españois. Claudia, a irmá adolescente de Lucía, está a empezar a vivir en primeira persoa as diferenzas culturais e o racismo entre adolescentes. Xiang é unha nena adoptada de 9 anos que comeza a facerse preguntas sobre a súa familia biolóxica. As tres historias crúzanse e sepáranse, pero manteñen un obxectivo común: a procura da identidade propia.

Da directora gañadora do Goya de Carmen y Lola. Un filme fresco e repleto de sensibilidade.