Ana, recentemente chegada de Colombia, é empregada doméstica nunha luxosa mansión onde veranea unha adiñeirada familia de marchantes de arte. A moza traballa de sol a sol e sen contrato, baixo a promesa de conseguir condicións dignas ao final do verán, a condición de que sexa discreta e caladiña. Pero a través de Gisela, a empregada da casa veciña, Ana descubrirá que as cousas non funcionan exactamente como lle contaron, e aprenderá a divertirse un pouco máis durante o seu verán na Costa Brava.