Henri (Yvan Attal) é un escritor de mediana idade en crise: hai máis de 20 anos que escribiu un best seller mais desde aquela non volveu atopar a inspiración. Esta última etapa dedicouna á súa familia, á súa muller (Charlotte Gainsbourg) e aos seus catro fillos. Todos eles semella que son os responsábeis dos seus fracasos, de todas as mulleres que nunca volverá ter, de todos os coches que nunca conducirá e de non vivir en Roma, a súa cidade favorita. Dun día para outro, todo comeza a mudar ao seu redor, o amor incondicional da súa muller empeza a fraquear, os seus fillos deciden independizarse; aparece da nada “Estúpido”, un can un tanto peculiar que o axudará a entender que a súa vida podería converterse na súa mellor historia.