Cathy ten un pai con ocorrencias moi curiosas: para o seu aniversario, regaloulle un ovo de pato coa intención de que o  incube e sexa despois a súa mamá. Pero, casualmente, a quen ve primeiro o pequeno pato ao nacer é Margaux, unha amiga de Cathy que vai en cadeira de rodas. Os pais de  Margaux non queren facerse cargo do paxaro. Para protexelo, as dúas nenas escapan e emprenden unha aventura.

Na liña dos  filmes dos irmáns Dardenne, baixo unha aparente simplicidade, este conto  iniciático esconde unha bela paleta de emocións e de temas: a amizade, a  sobreprotección dos pais, a discapacidade, a superación dos límites, a necesidade de liberdade e de autonomía dos nenos e as nenas, a procura do espazo propio e o dar valor ás pequenas cousas.

Entrada gratuíta a adquirir no despacho de billetes antes da proxección.

Co apoio da Concellaría de Cultura do Concello de Ferrol