Unha balea queda varada nunha remota orela. Mentres loita por salvar a súa vida, o espectador descubrirá a historia destas extraordinarias criaturas, habitantes dos océanos do mundo. Inspirada no bestseller de Heathcote Williams, Whale Nation lévanos a descubrir os territorios inexplorados e unha sociedade bastante pouco coñecida: a das baleas, coas súas extraordinarias habilidades e as súas vidas incriblemente ricas e complexas. Un filme sobre a vida en toda a súa diversidade, sobre o lugar do home na Terra e a necesidade vital de cooperación entre as especies que comparten o noso planeta.