Historia sen diálogos sobre un náufrago nunha illa tropical deserta, poboada de tartarugas, caranguexos e aves. O filme conta as grandes etapas da vida dun ser humano. Debut na longametraxe do animador Michael Dudok de Wit (gañador do Oscar pola súa curtametraxe Father and Daughter) que ademais escribiu o guión canda Pascale Ferran (Pequeños arreglos con los muertos). O famoso animador xaponés Isao Takahata (O conto da princesa Kaguya) traballa como produtor artístico.